A Oficina de Proxectos Internacionais (OPI) da OTRI convida a toda a comunidade universitaria ao webminario “Inclusión da análise de xénero no ámbito europeo da investigación“, que terá lugar o vindeiro 16 de novembro.
A inclusión da perspectiva de xénero na investigación e a innovación é un compromiso firme da Comisión Europea, sendo un tema transversal presente tanto no programa marco H2020, que está a chegar a súa fin este ano, como no novo programa HORIZONTE EUROPA (HE), que terá unha duración de sete anos (2021-2027).
Neste webminario, Capitolina Díaz, Catedrática de Socioloxía de Xénero, e Paz Ruíz, Xestora de Proxectos Europeos, ambalas dúas da Universitat de València, debatirán sobre a importancia dos aspectos de xénero na investigación abordados desde as diferentes disciplinas, facendo fincapé nos programas de financiamento europeos e nos requerimentos que establece a propia Comisión.
- DATA: 16 de novembro de 2020.
- HORARIO: De 12.00h a 14:00h.
- LUGAR: Online (vía TEAMS)
A asistencia é libre, mais cómpre facer unha inscrición. Inscricións até o 15 de novembro.
Aquí poderás atopar o material empregado polas poñentes:
Mais recursos:
Actividade cofinanciada polo Ministerio de Ciencia e Innovación
