O vindeiro luns 6 de xuño terá lugar a xornada informativa «Oportunidades de participación en proxectos europeos nas áreas de Humanidades e Ciencias Sociais«, organizada pola OTRI en colaboración con Campus Innova e a Facultade de Filoloxía.
A xornada terá lugar no Salón de Graos da Facultade de Filoloxía, e está destinada á comunidade investigadora das áreas de Humanidades e Ciencias Sociais, así como de aquelas disciplinas transversais ás mesmas.
O Programa da xornada é o seguinte:
11.00 PRESENTACIÓN DAS XORNADAS
Susana Ladra (Directora de Campus Innova) e José Mahía (Director da OTRI)
11.10. INTRODUCIÓN
Xosé Manuel García (OTRI)- Isto non é para nós?
11.20. BUSCA, IDENTIFICACIÓN E PRIORIZACIÓN DE OPORTUNIDADES
Elena Solera (OPI-Promoción)- Definición da estratexía de participación no Horizonte Europa: onde buscar e como identificar a mellor oportunidade para a miña idea de proxecto
12.30. PAUSA CAFÉ
12.50. O APOIO DA OTRI
Valérie Bruynseraede (OPI-Xestión) – Servizos prestados pola OPI para a xestión económico-financeira de proxectos
Santiago Cernadas (OPI-Promoción) – Servizos prestados pola OPI para a promoción de propostas competitivas
13.20. PREGUNTAS E RESPOSTAS
13.30. CONCLUSIÓN DA XORNADA E COMEZO DAS REUNIÓNS BILATERAIS
A xornada será tamén retransmitida en streaming a través da seguinte ligazón, aínda que aconséllase preferentemente a participación presencial.
Prevese tamén a celebración de encontros bilaterais co equipo técnico da OTRI con aqueles membros dos grupos de investigación que teñan intención de presentarse a algunha convocatoria en concreto, ou unha idea de proxecto.
A inscrición pode realizarse enviando un correo electrónico ao seguinte enderezo: ciencia.excelente.otri@udc.gal, antes do 2 de xuño de 2022.
Se se desexa manter unha reunión bilateral cos técnicos da OTRI posterior á finalización da xornada, cómpre indicalo tamén no correo de inscrición co obxectivo de asignar unha hora de atención.